Radio Bhimeshwor

दाेलखाकाे शैलुङमा घण्टी चाेरी भएसँगै सराेकारवालाहरूकाे चासाे ,प्रहरी भन्छ चाेर खाेज्दैछाैं

चरिकोट , ३ फागुन । दाेलखाकाे शैलुङ गाउँपालिकामा वडा नम्बर ८ फलाम पोखरी मन्दिर परिसरमा रहेकाे घण्टी अचानक चाेरी भएपछि सराेकारवालाहरूले चासाे दिएका छन् ।बरिस्ठ समाजसेवी तथा राजनीतिज्ञ साेभित उप्रेतीले संरक्षणको पर्खाइमा रहेको एक प्राचीन मन्दिरबाट लिच्छविकालीन इतिहास बोकेको ५०० बर्ष भन्दा पनि पुराना पुरातात्विक महत्त्वकाे घण्टी हराउनु दुखद भएकाे बताउनु भएकाे छ । स्थानियबासी तथा राप्रपाका केन्द्रिय सहायक काेषाध्यक्ष समेत रहनु भएका उप्रेतीले शैलुङकाे बिकासमा तिब्रता दिदै जाँदा यस्ता घटना घट्नु दुखद रहेकाे बताउनु भएकाे हाे । उप्रेतीले घण्टी चाेरी गर्ने जाेकाेहिलाई कानुनी कारबाही गर्न स्थानीय प्रशासन समक्ष आग्रह गर्नु भएकाे छ । उहाँले राज्यले संरक्षण गर्नुपर्ने पुरातात्त्विक महत्त्वका सामाग्री संरक्षण गर्न राज्यका निकायनै उदासिन हुँदा यस्तो घटना बढेकाे बताउनु भयाे । उप्रेतीले यस्ता घटनामा संलग्न चाेरहरूलाई कुनै राजनीति दलहरूले संरक्षण नगर्न पनि आग्रह गर्नु भएकाे छ । घण्टी चाेरी भएकाे केही दिन बित्दा पनि समबन्धित निकायबाट खासै चासो नदेखाएपछि स्थानियहरूले सामाजिक संञ्जालमा मार्फत पनि राेस प्रकट गरिरहेका छन् । यस घटना बारे जिल्ला प्रहरी कार्यलय दाेलखाका निमित्त प्रहरी प्रमुख दाताराम अधिकारीले प्रहरीकाेमा निबेदन आएकाे र चाेरी भएकाे भन्ने थाहा पाएकाेले शुक्ष्मढंगले अनुशन्धान भईरहेकाे बताउनु भयाे । अधिकारीले घण्टी चाेरी गर्ने चाँडै पत्ता लाग्ने र कानुनी कारबाही हुने उहाँको भनाइ छ ।